“Football Insider” нашрининг хабар беришича, Лондоннинг “Челси” клуби Туркиянинг “Фенербахче” клуби ҳимоячиси Аттиле Салаига қизиқиш билдирмоқда.
Манбага кўра, 23 ёшли футболчи январь ойида “аристократлар” лагерига ўтиши мумкин. Эслатиб ўтамиз, Жюль Кунде ҳам “Челси” қизиқишлари доирасига тушган, бироқ мураббий Томас Тухель венгриялик футболчи билан шартнома имзолашини истамоқда.
Аттиле Салаининг “Фенербахче” билан амалдаги шартномаси 2025 йилнинг июнига қадар тузилган ва футболчининг нархи 11 миллион еврога баҳоланган.