Бугун, 25 ноябрь куни ОАВ Зинедин Зидан ва ПСЖ раҳбарияти ўртасидаги музокаралар тафсилотлари ҳақида хабар тарқатди. Дастлабки маълумотларга кўра, томонлар кейинги мавсумдан ҳамкорлик қилиш борасида амалда келишиб олган.
Аммо француз мутахассисини хавотирга солаётган яна бир жиҳат ҳал этилмагани малум бўлди. Гап шундаки, Зидан Парижда эркин ҳаракат қилишни ва спорт директори Леонардога бўйсунмасликни хоҳлайди, деб ишонтирмоқда “Foot Mercato” нашри.
Айтганча, айнан мана шу факт жамоанинг амалдаги устози Маурисио Почеттинонинг норозилигига сабаб бўлди. Шу тариқа, ПСЖ иш билан боғлиқ барча тафсилотларни ниҳоят ҳал қилиш учун “Реал”нинг собиқ мураббийи шартларини қабул қилишга мажбур.
