"Барселона" футболчиси Усмон Дембеле учун курашда фаворит жамоа номи аниқ бўлди, дея хабар берди "Mundo Deportivo" нашри.
Газетанинг маълум қилишича, вингерни қўлга киритиш бўйича энг яхши имконият "Манчестер Юнайтед"да эмас, балки "Ньюкасл"дадир.
"Қарғалар" келаси йил эркин агентга айланиши мумкин бўлган футболчи учун 15 миллион евро бонус пули ва ҳар йили кўтарилиб борувчи маош беришга тайёр.
Англия клубининг таклифи Дембеле учун молиявий муаммоларга учраётган каталонияликларникидан сезиларли даражада қулайроқ. Яқин орада у келажаги борасида қарор қабул қилади.
Эслатиб ўтамиз, Усмон Дембеле бу мавсум "кўк-анорранглилар" сафида ЕЧЛда икки ўйин ўтказиб, самарали ҳаракатлар амалга оширмади.
