"ESPN" нашри хабарига кўра, Англия Премьер-лигасининг икки гранд клублари "Ливерпуль" ва "Манчестер Юнайтед" "Барселона"нинг уругвайлик ҳимоячиси Роналд Араухога қизиқиш билдирмоқда.
Маълумотларга кўра, "кўк-анорранглилар" Уругвай терма жамоаси аъзоси билан янги шартнома борасида музокаралар олиб бормоқда, аммо Араухонинг юқори маош сўраётгани сабабли бу иш тўхтаб қолиши мумкин.
"Ливерпуль" ва МЮ футболчи атрофидаги вазиятни диққат билан кузатиб бормоқда.
Эслатиб ўтамиз, Роналднинг каталонияликлар билан амалдаги шартномаси 2023 йилнинг ёзида якунига етади. Жамоа унга 5 йиллик янги шартнома таклиф қилмоқда.