Мёнхенгладбахнинг "Боруссия" клуби ярим ҳимоячиси Денис Закария фаолиятини Англия, Испания ёки Италияда давом эттириши мумкин.
Журналист Николо Скиранинг хабар беришича, 25 ёшли футболчини “Манчестер Юнайтед”, “Барселона”, “Ювентус” ва “Рома” клублари ўз сафига қўшиб олмоқчи.
Шартномаси келаси ёзда тугайдиган швейцариялик футболчини текинга қўлга киритиш учун юқоридаги клублар кураш олиб боради.
Жорий мавсумда Закария “Боруссия М” сафида 11та ўйинда майдонга тушиб, 2та гол урди ва 1та голли узатмани амалга оширди. Унинг трансфер қиймати 27 миллион еврони ташкил қилади.
