"Челси" устози Томас Тухель АПЛга ташриф буюриши кутилаётган Ральф Рангник ҳақида фикр билдирди. У ўз интервьюсида шундай дейди:
"У менга кўп ёрдам берган. Ральф менинг устозим эди ва айнан у мени мураббийликда ўзимни синаб кўришга кўндирган одам саналади. У ҳозирги футболга таъсир кўрсата олган шахсдир. Футболда ҳимоячилар ўз ҳужумчисини ҳар қаерда таъқиб қилади. Аммо у бу нарса шарт эмаслиги, бу фақат майдон ҳудудида қилинадиган иш эканлигини кўрсата олганди".
Рангник "МЮ"нинг "Арсенал"га қарши кечадиган ўйинигача жамоа бошига келиши кутилмоқда.
