"Парма" дарвозабони Жанлуижи Буффон Б Серияда "Комо" жамоасига қарши ўйинда белгиланган пенальтини қайтарди. Ўйинда 1:1 ҳисобидаги дуранг натижаси қайд этилди.
Пенальти бартараф этилган вазият 43-дақиқага тўғри келади. 11 метрлик жарима нуқтасидан Этторе Глиоцци йўллаган зарбани тажрибали посбон қайтарди.
"Opta" нашрининг хабар беришича, дарвозабон мавсумдаги ўзининг дарвозасига белгиланган иккинчи пенальтини қайтарди. Буффоннинг бундай натижа қайд этиши учун "Ювентус"да 3 мавсум керак бўлган.
Жорий мавсум 43 ёшли кипер 14 ўйинда майдонга тушиб, 18 бор ўз дарвозасидан тўп олиб чиққан.
