Киевнинг "Динамо" клуби собиқ ҳужумчиси Максим Шацких Европа чемпионлар лигаси гуруҳ босқичи 6-тури доирасида бўлиб ўтадиган "Бенфика"га қарши ўйин борасида ўз фикрини билдириб ўтди.

— "Динамо" клуби "Бенфика"га қарши ўйинга руҳий жиҳатдан чоғлана оладими?
— "Динамо" бундай ўйинга нисбатан иштиёқ билан ёндошмаслиги мумкинми? Унда бундай рақибларга қарши ўйнашдан маъно борми? Бу баҳс ниманидир ҳал этадими ёки йўқми, нима фарқи бор? Ахир клуб ва ҳар бир футболчининг обрўси бор. Курашиш керак. Клуб, мамлакат ва шахсан ўзинг учун курашиб, ўз даражангни намойиш этишинг керак. Чемпионлар лигасида кераксиз ўйинлар бўлмайди.

Ҳар бир учрашув — бу тажриба ва ўз кучини синаб кўриш учун, Европанинг номдор клублари сенга эътибор қартишлари учун имконият. Бошқача бўлиши мумкин эмас! Мана "Бавария"ни олиб қарасак. Уларга "Барселона"га қарши ўйин нима учун керак? Аммо, ишонинг, улар каталонияликларга қарши баҳсда муҳим ўйинга чиққандек ҳаракат қилишади. Улар мағлуб бўлишадими ёки 2:0 ҳисобида олдинда боришадими, фарқи йўқ, мюнхенликлар фақат ҳужум қилишади. "Бавария"нинг менталитети шундай. Улар бошқача ўйнай олишмайди. "Бавария"га ғалаба учун бериладиган 3 миллион евро ҳеч нарсани англатмаслиги мумкин, аммо "Динамо" учун бу пуллар жуда муҳим. Аммо пул учун курашиш иккинчи планда бўлиши керак. Клуб ва ўз обрўси учун жанг қилиш лозим. "Минай" ва "Бавария" бўладими, ким билан ўйнашингнинг аҳамияти йўқ", - деди Шацких.