Ҳужумчи Карим Бензема яқин вақт ичида клубидаги рўйхатини ўзгартириши мумкин. Ҳаммаси “Реал Мадрид” ПСЖ юлдузи Килиан Мбаппе билан шартнома имзолашига боғлиқ. Қолаверса, “қироллик клуби” Дортмунднинг “Боруссия” клубининг норвегиялик футболчиси Эрлинг Холанд учун ҳам курашишга тайёр. 

Агар мадридликлар иккала трансферни ҳам амалга ошира олса, Бензема асосий таркибдаги ўрин учун ёшроқ рақиблар билан беллашишда қийналади. 33 ёшли ҳужумчи Туманли Альбионга ўтиши мумкин. “Ливерпуль” тажрибали тўпурарга қизиқиш билдирмоқда, деб хабар беради “El Nacional”.

Бенземанинг ўзи ҳам янги чемпионатда ўзини синаб кўришга қарши эмас. Карим 2009 йилдан бери Испанияда ўйнаб келади.