"Барселона" президенти Жоан Лапорта ҳужумчи Лионель Мессидан клубда текинга ўйнашни сўрамаганини айтди.

“Мен бир нарсани аниқлаб бермоқчиман. Радиода мендан cўрашган: "Месси текин қолиши мумкинми?" Бу мумкинми, билмасдим.  Ўша пайтда мен: "Балки, эҳтимол мумкиндир", дедим. Лекин мен ҳеч қачон Мессидан текинга ўйнашни сўрамаганман, мана у ҳақ, Лионель - дунёнинг энг яхши футболчиси. У аллақачон бошқа жамоадан жиддий таклиф олганини билардик.

Ҳар ҳолда бу таклиф мендан эмас, ундан чиқиши керак эди. Мен ҳеч қачон бундай гапларни айтмаганман.” — дейди Лапорта.

Месси 2021 йил ёзида “Барселона”дан эркин агент сифатида "ПСЖ" сафига бориб қўшилган эди.