2 декабрь, пайшанба куни “Манчестер Юнайтед” Майкл Каррик манкунианликлар клуб тизимидан кетишини расман эълон қилди. Англиялик мутахассис жамоани АПЛда “Арсенал” устидан 3:2 ҳисобида ғалаба қозонганидан сўнг жамоа лагерини тарк этди.
Каррикнинг кетиш ҳақидаги қарори кўплаб футбол юлдузлари, клуб афсоналари, шунингдек, жаҳон ОАВларининг эътиборини тортди.
“Манчестер Юнайтед” рамзи
Майкл Каррик 2006 йилнинг ёзида “Тоттенхэм”дан кетганидан сўнг Манчестер клубига ўтди. “Қизил иблислар” ўз вақтида клуб тарихидаги энг қиммат трансферлардан бирини амалга ошириб, англиялик учун тахминан 15 миллион евро тўлаганди.
Жамоа бош мураббийи Сер Алекс Фергюсон Каррикни Рой Киннинг ўрнини боса олади деб ўйлаган, шунинг учун Майклга афсонавий “16” рақамини беради.
Биринчи мавсумдан бошлаб Каррик майдонда ҳам, унинг ташқарисида ҳам жамоа етакчисига айланди. Англиялик футболчи деярли ҳар доим оддий футболчи бўлиб келган. 2006/07 йилги мавсумда “Манчестер Юнайтед” Англия чемпионлигини қўлга киритди, шунинг учун унинг клуб муваффақиятига қўшган ҳиссаси катта аҳамиятга эга эди. Кейинги мавсумда “қизил иблислар” финалда “Челси”ни мағлуб этиб, Чемпионлар Лигаси кубогини қўлга киритди. Каррик тўлиқ ўйин ўтказди ва пенальтилар сериясида гол урди.
Ўшандан бери тинимсиз яримҳимоячи “Манчестер Юнайтед” учун ажралмас бўлиб қолди. У клуб билан шартномасини 2012 йилнинг ёзига қадар узайтирди, бу эса Манчестер раҳбарияти футболчини қўйиб юборишни аниқ режалаштирмаётганини англатарди.
Англиялик футболчи бир неча ой ичида ўзининг серқирралигини кўрсатди, у жамоа ҳимоясидаги “тешиклар”ни ямаб, ҳимоя марказида ўйнай бошлади. Сер Алекс Фергюсон футболчини жамоага керакли кўникмаларни берадиган ва манкунианликларнинг ўйин моделига тўлиқ мос тушадиган етакчи сифатида кўрди.
2013 йилда шотландиялик мутахассис ўз лавозимини тарк этди ва унинг ўрнига Дэвид Мойес келди. Ўшандан бери Керрикнинг соғлиғи билан боғлиқ муаммолар пайдо бўлди ва тез-тез жароҳатлар унинг ўйин амалиётига таъсир қилди. Англиялик футболчи жароҳатлар туфайли кўп вақт ўтказиб юборганига қарамай, Мойеснинг ўрнини эгаллаган Луи ван Гал Каррикга ишонч билдирди ва уни жамоанинг асосий таркибига қайтарди. Майклнинг клуб учун аҳамиятини таърифлаб бўлмайди, шунинг учун голландиялик мутахассис уни вице-сардор этиб тайинлади.
Каррикни тез-тез жароҳатлар безовта қилса ҳам яхши формада эди, лекин у майдонда бўлганида “Манчестер Юнайтед” яримҳимояда устунлик қилиб, ишончли ўйнарди. Клуб англияликни қўйиб юбормоқчи эмасди ва шунинг учун унга шартномани бир йилга янгилаб туришни таклиф қилди.
Бундай музокаралар 2018 йилгача давом этди, ўшанда Каррик ўз футболчилик фаолиятини клубдаги якунлашга қарор қилган. Якуний мавсумда у жамоа сардори бўлиб, Уэйн Рунидан кейин боғични олган эди.
“Манчестер Юнайтед” таркибида Каррик 464 та ўйин ўтказиб, 24 та гол урган ва 37 та голга ассистентлик қилган. Футболчи “қизил иблислар” билан биргаликда 16 та совринни қўлга киритди, хусусан: у беш марта Премьер-лига чемпиони бўлди, олти марта Англия Суперкубогини, икки марта Лига кубогини қўлга киритди ва Англия кубоги, Чемпионлар лигаси, Европа лигасида ҳам зафар қучишга эришди ва бир марта клублар ўртасидаги жаҳон чемпионати олтин медалларига ҳам эга чиқди...
Ёрдамчи иши
2016 йилда Жозе Моуриньо “Манчестер Юнайтед” мураббийлигини қабул қилиб олди. Ўшанда Каррик ҳали футболчи эди, аммо ўшанда ҳам инглиз футболчиси португалиялик мураббийлар штабига кириши мумкинлиги ҳақида миш-мишлар тарқалди.
Майкл футболчилик фаолиятини давом эттирмасликка қарор қилганида, Моуриньо бу ҳақда расмий баёнот берди:
“Майкл футболчи сифатида эмас, шахс сифатида муҳимроқ. Биз унга дам олиши, тикланиши, ўзини ишончли ҳис қилиши ва ўйнашни хоҳлайдими ёки нафақага чиқишини ҳал қилиш учун вақт бердик. Мураббийлар штабимда ҳоҳласа ўзига жой борлигини билади. Унинг учун офисда жой тайёрланди. Мен шуни хоҳлайман, кенгаш шуни хоҳлайди”.
Шундай қилиб, Каррик мутахассиснинг мураббийлар штабига кирди. Айнан Жозе Майкл учун мураббий сифатида биринчи устозга айланди.
Португалияликнинг ўзи ёш мутахассиснинг мураббийлик соҳасида муваффақиятга эриша олишига шубҳа қилмаган.
“Мен ёрдамчиларим билан жамоани яхшилаш учун ажойиб муҳит яратиш учун ишлайман. Менимча, Майкл бизга фойдали бўлиши мумкин. Каррикнинг мукаммал менежер бўлиши учун барча шартлар мавжуд”, - дейди португалиялик.
Моуриньо кетганидан кейин клубга Оле-Гуннар Сульшер келди. Норвегиялик мутахассис дарҳол Каррик билан ишлашни ҳоҳлашини маълум қилди, чунки унинг ажойиб мураббий бўлиш учун барча шароитлар бор.
Англиялик Сульшер билан ўзига хос битим тузди, бу ерда иккала мутахассис ҳам бир-бирини қўллаб-қувватлади, бир-биридан ўрганди. Майкл кундан-кунга норвегиялик учун аҳамияти ортиб борди ва кейинчалик “Манчестер Юнайтед”нинг асосий жамоаси мураббийига айланди.
“Манчестер Юнайтед”ни тарк этиш сабаблари
Жорий йилнинг ноябрь ойида “Манчестер Юнайтед” Оле-Гуннар Сульшер истеъфога чиққанини расман эълон қилди. Жамоани ким бошқариши ҳақида гап-сўзлар кўп эди.
Майкл Каррик бош мураббий лавозимини эгаллади. Клуб англиялик футболчини жамоани бир-икки ўйинда бошқариши мумкин деган қарорга келди, аммо раҳбарият унга таянмади.
“Қизил иблислар” босслари жамоа бош мураббийлигига Ральф Рангникни тайинлашга қарор қилишди. Бу қарор, албатта, Каррикнинг норозилигига сабаб бўлди.
Инглиз мутахассиси ўзининг мураббийлик фаолияти истиқболини жуда яхши тушунди, чунки агар унга асосий мураббий бўлишга рухсат берилмаса, олти ойдан кейин албатта янги мураббий келади ва у яна ёрдамчи бўлиши керак эди.
Каррик ёрдамчи мураббийсифатида жуда кўп ишлади ва мухлислар буни сўнгги ўйинларда “Юнайтед” “Вильярреал”, “Арсенал”ни мағлуб этиб, Майкл бошчилигида “Челси” билан дуранг ўйнаганида кўришди.
Ральф Рангник Каррикни штаб-квартирасида қолишга кўндиришга уринганини тан олди, аммо инглиз яна ёрдамчи бўлишни истамади.
“Мен Майкл билан учрашдим, биз узоқ вақт шахсий суҳбатлашдик. Бир неча соат давомида уни клубда қолишга кўндиришга ҳаракат қилдим, лекин у кетишга қарор қилди”, - деди немис мутахассиси.
Албатта, Каррик клуб тимсоли, аммо “қизил иблислар” босслари буни тушунмаяпти шекилли. Улар шунчаки Майклнинг жамоани бошқариш орзусидан маҳрум қилишди.
Афсонавий мураббий Гарри Реднапп “Манчестер Юнайтед” раҳбариятини қаттиқ қоралади, чунки у Каррикни бошқаришга тайёр деб ҳисоблайди:
“Майкл Каррик мен билган энг ақлли одамлардан бири. Унинг “Манчестер Юнайтед”га тўлиқ мураббийлик қилмаслиги ачинарли. Клуб Ральф Рангникни бош мураббийликка таклиф қилмоқчи экани тушунарсиз. Умримда бундан аҳмоқона гап эшитмаганман”.
Энди англиялик ўзини аллақачон шаклланган мураббий эканлигини кўрсатиб, эркин сузишга жўнаб кетди. Биз Каррикнинг ҳис-туйғулари ҳақида фақат тахмин қилишимиз мумкин, аммо бир нарса аниқ - клуб унга нисбатан адолатсизлик қилган.
Жамшиджон Маҳмудов таржимаси.
