Янги миллий чемпионатимиз бошланишига ҳам саноқли кунлар қолди. Бугун «Машъал» жамоамиз навбатдаги мавсумга тайёргарлик босқичидан ўрин олган ўзининг охирги ўртоқлик учрашувини ўтказди.
Қибрайда «Пахтакор» ва «Машъал» жамоалари ўзаро баҳс олиб боришди ва бу ўйинда муборакликлар 0:3 ҳисобида ютқазиб қўйишди. Биринчи таймда Фарҳод Тожиев, иккинчи бўлимда эса Дилшод Шарофиддинов ҳамда Баҳриддин Ваҳобов томонидан киритилган голлар шу куни тошкентликларга ғалабани тақдим этди.
Мазкур беллашувда «Машъал» сафида икки нафар янги футболчини кўрдик. Булар – дарвозабон Шерзод Каттаев ҳамда марказий ҳимоячи Илья Фомичев. Афтидан Шерзод Каттаев мавсумни «Машъал»да бошлайдиган кўринади, лекин бу ҳозирча аниқ эмас. Қозоғистонлик легионер Илья Фомичевга келсак, у аллақачон клуб билан шартнома имзолади. Бугун Янгиердан Тошкентга келган «Машъал» жамоамиз то 17 мартга қадар пойтахтда бўлади. Унгача эса «газчилар» 15 март куни олий лиганинг биринчи туридан ўрин олган баҳсда «Бунёдкор»га қарши майдонга тушишади.
Ўртоқлик учрашуви. «Пахтакор» - «Машъал» - 3:0
Голлар: Ф.Тожиев, Д.Шарофиддинов, Б.Ваҳобов.
«Пахтакор»: Жўраев, Шибамура (Николаев, 46), Клецков (Махарадзе, 46), Кримец, Холмуродов, Климиашвили, Магдеев (Искандеров, 65), Азизов (Ораховац, 46), Махситалиев (Олимов, 30), Ҳакимов (Шарофетдинов, 46), Тожиев (Ваҳобов, 46).
«Машъал»: Шерзод Катаев, Дилявер Ваниев, Тони Линдберг, Илья Фомичев, Алик Ҳайдаров, Габит Сапаргалиев, Шуҳрат Муҳаммадиев, Игорь Петкович, Жаҳонгир Абдумўминов, Элдор Эргашев, Самандар Шодмонов.
Захирадан тушганлар: Мирзоҳид Ғофуров, Сардор Раҳмонов, Нодир давлатов, Ихтиёр Тошпўлатов, Темур Дадашев, Ғанишер Холмуродов.
Бош ҳакам: Олим Толибжонов.
11 март. Қибрай. 18 томошабин.
