Каталониянинг “Барселона” клуби бош мураббий Хави Эрнандес бошчилигида илк муваффақиятсизликка учради. Испания чемпионатининг 16-турида “кўк-анорранглилар” ўз майдонида Севильянинг “Бетис” клубидан (0:1) мағлуб бўлди.
Ушбу омадсизликдан сўнг мутахассис ўз футболчиларининг “Бавария”га қарши Чемпионлар лигаси гуруҳ босқичининг ҳал қилувчи ўйинидаги кайфияти ҳақида гапирди.
“Биз Германияда ғалаба қозонишга қодирмиз. Бу бизнинг вазифамиз. Ҳамма нарса ўзимизга боғлиқ. “Барселона”ни энг қийин сафарлардан бири кутмоқда. Биз у ерга бор кучимизни бериш учун борамиз, - дея мураббийининг сўзларини келтиради ESPN.
Ўйин 8 декабрь, чоршанба куни 2Альянс Арена”да бўлиб ўтади.
