«Фиорентина» ҳужумчиси Душан Влахович А Серия 16-тури доирасидаги «Болонья»га (3:2) қарши ўйинда гол урди.
Бу сербнинг ушбу чемпионатдаги 13-голи бўлди. Натижада у тўпурарлар рўйхатида пешқадамлигини мустаҳкамлади. «Лацио» футболчиси Чиро Иммобиле ундан 2 та гол ортда қолмоқда.
Бундан ташқари, Влаховичнинг бир календар йилида А Сериядаги голлари сони 30 тага етди. Душан 22 ёшгача бўлган футболчилар орасида Италия чемпионатида бир календарь йилида камида 30 та гол урган тарихдаги 4-футболчига айланди.
