"Манчестер Юнайтед" бош мураббийи Ральф Рангник Англия чемпионати 15-туридан ўрин олган "Кристал Пэлас"га қарши ўйин (1:0) ҳақида фикр билдирди.
“Жамоанинг, айниқса, учрашувнинг биринчи ярим соатидаги ўйинидан жуда мамнунман. Биз яхши прессинг кўрсатдик. Фақат якунлаш йўқ эди. Жамоа кутганимдан ҳам яхшироқ ўйнади.
Иккита ҳужумчи билан ўйнашни хоҳладик. Айтганча, Роналдунинг тўпсиз ҳаракати – юқори савия!
Фреднинг голига келсак, у ҳақиқатан ҳам ўнг оёғи билан зарба бердими ёки йўқми, ёрдамчидан текширишим керак эди. Мен у фақат чап оёғи билан тепиши мумкин деб ўйладим. Мен унинг голи учун хурсандман", - деди мутахассис.
