Қисқа танаффусдан сўнг яна жаҳоннинг энг иқтидорли ёш қиличбозлари Тошкентда тўпланмоқда. 9-12-декабр кунлари пойтахтимизда шпага, рапира ва сабля бўйича ёшлар ўртасидаги (йигитлар) Жаҳон кубоги баҳслари бўлиб ўтади.
Мусобақа Халқаро қиличбозлик федерацияси тақвим режасидан ўрин олган бўлиб, спортчилар учун муҳим рейтинг очколарини тақдим қилади. Регламентга кўра, беллашувлар яккалик ва жамоавий йўналишда бўлиб ўтади. Мусобақа тақвими билан танишинг:
9-декабр: Рапира бўйича яккалик
10-декабр: Шпага бўйича яккалик, рапира бўйича жамоавий
11-декабр: сабля бўйича яккалик, шпага бўйича жамоавий
12-декабр: сабля бўйича жамоавий.
