Qisqa tanaffusdan so‘ng yana jahonning eng iqtidorli yosh qilichbozlari Toshkentda to‘planmoqda. 9-12-dekabr kunlari poytaxtimizda shpaga, rapira va sablya bo‘yicha yoshlar o‘rtasidagi (yigitlar) Jahon kubogi bahslari bo‘lib o‘tadi.
Musobaqa Xalqaro qilichbozlik federasiyasi taqvim rejasidan o‘rin olgan bo‘lib, sportchilar uchun muhim reyting ochkolarini taqdim qiladi. Reglamentga ko‘ra, bellashuvlar yakkalik va jamoaviy yo‘nalishda bo‘lib o‘tadi. Musobaqa taqvimi bilan tanishing:
9-dekabr: Rapira bo‘yicha yakkalik
10-dekabr: Shpaga bo‘yicha yakkalik, rapira bo‘yicha jamoaviy
11-dekabr: sablya bo‘yicha yakkalik, shpaga bo‘yicha jamoaviy
12-dekabr: sablya bo‘yicha jamoaviy.
