"Барселона" ярим ҳимоячиси Усмон Дембелега "Ньюкасл" қизиқиш билдирмоқда.
Бир неча ойдирки, франциялик футболчи «Барселона» билан шартномани узайтириш борасида музокаралар олиб бормоқда. Амалдаги келишув 2022 йилнинг ёзида якунига этади. Каталонияликлар ярим ҳимоячига маоши қисқартирилган ҳолда 2025 йилгача шартнома таклиф қилишди (ҳозир Дембеле йилига деярли 10 миллион евро олади).
"Ньюкасл"нинг янги хўжайинлари бу вазиятдан унумли фойдаланмоқчи. Инглиз клуби Дембелега йилига 15 миллион евро маош билан 5 йиллик шартнома таклиф қилмоқда. Қолаверса, “Ньюкасл” агар франциялик футболчи клубга текин қўшилса, Дембеле учун 15 миллион евро миқдоридаги бонусни тўлашга тайёр.
"Барселона" бундай таклифни такрорлашга тайёр эмас ва "Ньюкасл"нинг жорий мавсумдаги заиф ўйини туфайли Дембеле уни рад этишига умид қилмоқда.
