Италияда "Сампдория" президенти Массимо Ферреро ҳибсга олинди. 6 декабрь куни клуб расмий сайтида у аллақачон ўз лавозимини тарк этгани ҳақида хабар пайдо бўлди.
Маълумотларга кўра, "Сампдория" президенти клубга алоқадор бўлмаган молиявий жиноятларда гумон қилинмоқда.
Прокуратура томонидан тадбиркорнинг жанубий Калабрия минтақасида жойлашган қатор компаниялари фаолияти билан боғлиқ текширув ўтказилган.
Қайд этиш жоиз, айни дамда Генуя клуби 16 ўйинда 15 очко тўплаб, А Серия турнир жадвалида 15-ўринни эгаллаб турибди.
