Қуйида эътиборингизга “лочинлар”нинг Суперлига – 2021да қайд этган мағлубиятсиз ва “қуруқ” сериялари билан таништирамиз.

Якунланган мавсумда “Навбаҳор” дарвозасига 12 та ўйинда рақиблар тўп кирита олишмади.

Албатта, ушбу муваффақиятда жамоа дарвозабони Ўткир Юсупов билан биргаликда тажрибали ва маҳоратли ҳимоячиларнинг ҳам муносиб ҳиссалари бор.

Таъкидлаш жоизки, Суперлига – 2021да “Навбаҳор” ўз дарвозасидан энг кам тўп ўтказган жамоалар рўйхатида (рақиблар жамоамиз дарвозасига 19 та гол уришган) “Сўғдиёна” (15 та) ҳамда “Пахтакор” (18 та) клубларидан кейин 3-поғонани эгаллади.

Мавсум – 2021да “лочинлар” икки марта 6 ўйиндан (6-11-турлар, 15-20-турлар), бир марта 4 учрашувдан (22-25-турлар) иборат мағлубиятсиз серияни қайд этишди.

Шунингдек, қаторасига 2 та баҳсда ҳам (2-3-турлар) наманганликлар мағлубиятга учрамаганлигини айтиш лозим.

Таъкидлаш жоизки, ўтган мавсумда “лочинлар” ҳисобида 6 та ўйиндан (15-20-турлар) иборат “қуруқ” серия ҳам мавжуд.

Бу эса жамоамиз дарвозабонининг юксак маҳорати ва ҳимоячиларимизнинг ишончли ҳамда мустаҳкам ҳимоя қўрғонини ташкил этишгани билан боғлиқ.