Мюнхеннинг «Бавария» клуби бир қатор тайинловлар ва клуб тузилмасида ўзгаришларни амалга оширди.
Жанубий юлдуз скаутлар бўлими бошлиғи Марко Неппе техник директор этиб тайинланди. Неппе 2014 йилнинг ёзидан бери немис гранди таркибида ишлаб келмоқда.
Илгари клубнинг ҳуқуқий масалалар бўйича директори лавозимида ишлаб келган доктор Майкл Герлингер клубнинг спорт бизнеси ва рақобат бўйича вице-президенти этиб тайинланди. Герлингер «Бавария»да 2005 йилдан буён ишлайди.
Бугун «Бавария» Чемпионлар лигаси гуруҳ босқичининг 6-тури доирасида «Барселона» билан ўз уйида ўйнайди.
