Мюнхеннинг "Бавария"си "Базель"дан илк ўйинда учралган мағлубият шунчаки тасодиф эканлигини исботлади ва жавоб ўйинида рақибини "янчиб" ташлади.
Ўйиндан олдин анча юқори кайфиятда бўлган "Базель" "Альянс Арена"да оддий статист вазифасини ўтаб берди. Швейцарияликлар устози Хайко Фогель ўйиндан олдин дастлабки 10 дақиқада гол ўтказиб юбормаслик учун ҳаракат қилишини, йўқса уларга қийин бўлиши ҳақида бот-бот такрорлаган эди.
Афсуски, мураббийнинг ўйин олди хавотири бежизга эмаслигини учрашув кўрсатиб қўйди. "Бавария" 10-дақиқадаёқ ҳисобни очишга эришди. У ёғига эса, "Базель" Роббен, Рибери, Гомесларга "ем" бўлиш билан вақт ўтказишди.
7:0 — шу тариқа "Бавария" "Базел"нинг омадли бошанган "эртаги"га якун ясади. "Бавария" эса, ушбу мавсум чемпионлар Лигаси ғолиблиги учун асосий даъвогарлардан бири эканлигини ўз ўйини билан амалда кўрсатиб қўйди.
Европа чемпионлар Лигаси. 1/8 финал. Жавоб учрашуви
БАВАРИЯ — БАЗЕЛЬ 7:0 (3:0)
Голлар: Роббен, 11, 81, Мюллер, 42, Гомес, 44, 50, 61, 67
Бавария: Нойер, Лам, Боатенг, Бадштубер, Алаба, Л. Густаво, Кроос, Роббен (Тимошчук, 82), Рибери (Праньич, 78), Мюллер (Швайнштайгер, 70), Гомес
Базель: Зоммер, Штайнхофер (Дежен, 70), Абрахам, Драгович, Парк, Кабрал, Г.Жака, Шачири (Зуа, 82), Ф. Фрай (Штокер, 62), А. Фрай, Штреллер
Дастлабки учрашув — 0:1
