"Атлетико" бош мураббийи Диего Симеоне жамоасининг "Реал Мадрид"га мағлубияти (2:0) сабабини изоҳлади.

"Футболдаги энг муҳим нарсалардан бири қатъийятлиликдир ва "Реал Мадрид" ҳозир бу борада бенуқсон. Улар гол уриб олишса, ўйин ўзгаради. Иккинчи бўлим бошида бизда бир қанча имкониятлар бўлди, аммо кейин иккинчи голни ўтказиб юбордик. Биз ушбу ўйинга Португалиядаги кучли психологик стрессдан сўнг етиб келгандик.

Бугун пешқадам билан ўртамиздаги очколар фарқи катта, аммо чемпионат ҳали узоқ давом этади. Ҳозирги "Реал" намойиш қилаётган футбол менга ёқади. Ҳозирча улар учун чемпионат жуда яхши ўтмоқда", - деди мураббий.