“Днепр-1” ва Украина терма жамоаси ҳужумчиси Артем Довбик Европанинг бир қанча клублари қизиқишлари доирасида.
Маълумотларга кўра, футболчига Италиянинг "Фиорентина", "Торино" ва "Болонья" каби клублари қизиқиш билдирмоқда. “Бинафшаранглилар” агар Душан Влаховични сотса, Довбик билан шартнома имзолаши мумкин. Қолаверса, унга Англия премьер-лигаси клубидан ҳам қизиқиш бор. Бундеслига варианти футболчини қизиқтирмаяпти.
Қайд этиш лозим, 24 ёшли ҳужумчи айни дамда Украина чемпионатининг энг яхши тўпурари бўлиб турибди. У 17 ўйинда 14 гол уриб, 4 голга ассистентлик қилган.
