"Челси" устози Томас Тухель "Эвертон"га қарши баҳсдан кейин ўз фикрлари билан ўртоқлашди. У бу ҳақида шундай дейди:
"Биз бугунги ўйинда устунликни ҳисобда акс эттира олмадик. Аммо биринчи бўлимнинг ўзидаёқ осонлик билан ғалаба қозониб туришимиз мумкин эди. Биз бунда жуда эҳтиёт бўлишимиз керак. Негаки, одамлар(мухлислар) бизни қўлларини пахса қилиб: "улар яна юта олишмади" деб танқид қилишлари мумкин. Аммо бизда ҳали катта имкон бор.
Ўйинга келадиган бўлсак, яна ўша услубда, жарима зарбасидан кейин жазоландик. Агар яқин ўйинларга назар солсак, бу ҳодиса ҳақиқатдан ҳам қайтарилганига гувоҳ бўламиз. Биз мана шундай ҳолатларга яхшироқ тайёргарлик кўришимиз лозим. Натижа бизни хафа қилди. Бундан хавфсалам пир бўлди".
"Челси" сўнгги бешта ўйинида жами 5 очко йўқотди. Бунинг оқибатида жамоа "Ман Сити"дан 4 очкога ортда қолмоқда.
