"Chelsi" ustozi Tomas Tuxel "Everton"ga qarshi bahsdan keyin o‘z fikrlari bilan o‘rtoqlashdi. U bu haqida shunday deydi:
"Biz bugungi o‘yinda ustunlikni hisobda aks ettira olmadik. Ammo birinchi bo‘limning o‘zidayoq osonlik bilan g‘alaba qozonib turishimiz mumkin edi. Biz bunda juda ehtiyot bo‘lishimiz kerak. Negaki, odamlar(muxlislar) bizni qo‘llarini paxsa qilib: "ular yana yuta olishmadi" deb tanqid qilishlari mumkin. Ammo bizda hali katta imkon bor.
O‘yinga keladigan bo‘lsak, yana o‘sha uslubda, jarima zarbasidan keyin jazolandik. Agar yaqin o‘yinlarga nazar solsak, bu hodisa haqiqatdan ham qaytarilganiga guvoh bo‘lamiz. Biz mana shunday holatlarga yaxshiroq tayyorgarlik ko‘rishimiz lozim. Natija bizni xafa qildi. Bundan xavfsalam pir bo‘ldi".
"Chelsi" so‘nggi beshta o‘yinida jami 5 ochko yo‘qotdi. Buning oqibatida jamoa "Man Siti"dan 4 ochkoga ortda qolmoqda.
