Тажрибали вингер Иван Перишич "Интер"ни тарк этиши мумкин. Бу ҳақда Италия матбуоти хабар бермоқда.
Манбага кўра, томонлар ҳамкорликни узайтириш борасида келиша олмаяпти. “Интер” Иванга мавсумига 3,5 миллион евро маош билан 2 йиллик шартнома таклиф қилди. Перишич эса йилига 6 миллион евро, бонуслар билан бирга олмоқчи.
Эслатиб ўтамиз, Перишичнинг "Интер" билан шартномаси 2022 йилнинг ёзига қадар тузилган. Жорий мавсумда хорватиялик футболчи А серияда 16 та ўйин ўтказиб, шахсий ҳисобига 4 та муваффақиятли зарба ва 1 та голли узатма ёздириб қўйган.
