Польша терма жамоаси бош мураббийи Пауло Соуза «Фламенго» билан музокара ўтказди.
Томонлар дастлабки шартнома шартларини келишиб олишди. Бу ҳақда италиялик журналист Николо Скира хабар бермоқда.
Соуза Бразилия клуби билан 2 йил муддатга шартнома имзолашга тайёр. Олдинроқ «Фламенго» «Спартак»нинг собиқ устози Руйи Витория билан ҳам музокара олиб боргани ҳақида хабар қилинганди.
Эслатиб ўтамиз, Польша терма жамоаси Россия билан 2022 йилнинг 24 март куни жаҳон чемпионатига чиқиш учун плей-офф ўйинида майдонга тушади.