Қишда Каталониянинг “Барселона”да жамоаси таркибини жиддий равишда тозалашни режалаштирмоқда. “Кўк-анорранглилар” устози Хави Эрнандес ўзи ишонмайдиган футболчиларнинг рўйхатини тузиб чиқди. Бу ҳақда “Mundo Deportivo” нашри хабар бермоқда.
Рўйхатда биринчи ўринда голландиялик ҳужумчи Люк де Йонг жой олди, у мавсум бошланишидан олдин “Севилья”дан ижарага олинганди. Каталонияликлар футболчини муддатидан аввал ўз жамоасига қайтариш ниятида.
Шунингдек, “Барса”нинг янги мураббийлар штабининг режаларида бразилиялик Филиппе Коутиньо ҳам йўқ. Каталонияликлар яримҳимоячининг омадсиз ўйини ва юқори маоши туфайли унга харидор қидирмоқда.
Кераксиз футболчилар қаторига ҳимоячи Самуэль Умтити ва дарвозабон Нето ҳам киритилган.
“Барселона” мавсумнинг биринчи ярмини жуда омадсиз ўтказди. Жамоа Чемпионлар лигасидан чиқиб кетган ва Ла Лигада атиги 7-ўринни эгаллаб турибди.
