Москванинг ЦСКА клуби собиқ бош мураббийи Валерий Газзаевнинг фикрича, «ҳарбийлар» дарвозабони Игорь Акинфеев фаолиятини топ-чемпионатда давом эттиришга яқин келган. Ўз вақтида Акинфеевнинг олдида фаолиятини «Манчестер Юнайтед» клубида давом эттириш варианти турган.
«Акинфеев хорижга чиқиб кетишга жуда яқин келганди, унга «Манчестер Юнайтед» клубидан жиддий қизиқиш бўлганди. Бироқ, Игорь – ҳақиқий ватанпарвар. Ўйлайманки, унинг фаолияти ҳақидаги қабул қилган қарори жуда тўғри бўлган. Игорь буюк дарвозабонлар қаторига кирди. Ким билади дейсиз, агар у хорижий чемпионатларга йўл олганида фаолияти қандай якун топарди», - деди Газзаев.
Игорь Акинфеев бутун футболчилик фаолиятини Москванинг ЦСКА клубида ўтказди. 2021/2022 йилги мавсумда у «ҳарбийлар» таркибида 18 та учрашувда майдонга тушди.