Нафақат янги йилга, балки Европада қишки трансфер ойнаси очилишига ҳам икки ҳафтадан камроқ вақт қолди. Ушбу даврдаги энг яхши битимлар одатда бизнинг давримизнинг энг кучли миллий чемпионати Англия Премьер-лигасига амалга ошиши кутилмоқда.

Жумладан, АПЛ пешқадамларидан бири “Манчестер Сити” ҳам таркибида катта ўзгаришлар бўлиши мумкин. Шу сабаб январь ойида “шаҳарликлар”ни ким тарк этиши мумкинлиги ҳақида бироз фикр юритишга қарор қилдик.

Раҳим Стерлинг

Асли келиб чиқиши ямайкалик бўлган Англия терма жамоасининг 27 ёшли вингери Раҳим Стерлинг 2015 йилнинг ёзидан буён “Манчестер Сити”да тўп тепади. Бу вақт ичида у “шаҳарликлар” билан 11 та совринни қўлга киритишга муваффақ бўлди, шу жумладан, Премьер-лигада учта чемпионлик. Бироқ, Европада “Сити” ҳалигача асосий чўққи – Чемпионлар лигасини забт этмаган.

Ўтган мавсум охирида Стерлинг маълум психологик муаммоларни бошдан кечирди. Бу ҳақида футболчининг ўзи ҳам интервьюларида айтиб ўтди ва ушбу ҳолат унинг ўйинлари сифатига ҳам катта таъсир қилди. Шунинг учун ОАВда Стерлинг тез орада клубини ўзгартириши мумкинлиги ҳақида гапира бошладилар ва тез орада рўйхатда жуда қизиқ вариант пайдо бўлди – “Барселона”.

Ҳозирги каталонияликлар “Манчестер Сити” каби тубсиз молиявий захирага эга эмас. Шунинг учун, агар мазкур потенциал трансфер амалга ошадиган бўлса, сотиб олиш шарти билан ижарага олиш вариантини тахмин қилишимиз мумкин. Раҳимнинг ўзи учун ҳам Англиядан ташқарида, ҳаттоки Ла Лиганинг топ-клубида синаб кўриш имконияти жуда жозибали кўринмоқда. Инглиз клуби устози Хосеп Гвардиола бундай миш-мишларга изоҳ берар экан, “Барселона” ҳар доим “Барселона” эканлигини ва бу клуб ҳар қандай ҳолатда ҳам сайёрамизнинг энг яхши футболчилари билан шартнома имзолашига ишониши мумкинлигини таъкидлади. Демак, назарий жиҳатдан, Стерлингнинг январда “Барса”га кетиши эҳтимоли бор ва каталонияликларнинг ҳужумдаги ишлари Серхио Агуэро фаолиятининг тўсатдан якунланиши билан оғирлашганини инобатга оладиган бўлсак, ушбу трансфернинг амалга ошиш эҳтимоли юқорироқлигини кўрамиз.

Рияд Марез

Марез 2015/16 йилги мавсумда “Лестер”нинг жамоадаги асосий фигураларидан бири бўлган. У 2018 йилнинг ёзида “Манчестер Сити”дан кўп жиҳатдан яхшироқ бўлган таклиф олган. Ўшандан бери жазоирлик “Этиҳад”нинг муҳим аъзоси бўлиб келган, аммо “шаҳарликлар” томонидан Жек Грилишнинг сотиб олиниши Марезнинг Манчестерда қолишини янада сўроқ остига қўйди.

Энди Марез Гвардиола қўл остида сезиларли даражада камроқ ўйин амалиётига эга бўлмоқда. Шу сабабли, футболчининг кетадиган вақти бўлди деган хабарлар тарқалмоқда. Миш-мишларга кўра, у майдонга тез-тез тушиш учун клубини ўзгартириш имкониятини кўриб чиқишга тайёр. 30 ёшлм Рияднинг ҳали ҳам фойдали шахсий шартнома имзолашига ишониши мумкин. “Манчестер Сити” раҳбарлари ҳам потенциал харидорни рад этишдан олдин бир неча бор ўйлаб кўришса керак, чунки Марезнинг “шаҳарликлар” билан шартномаси 2023 йилнинг ёзида тугайди. 

Марез учун бозордаги асосий даъвогарлари “Пари Сен-Жермен”, “Барселона” ва “Реал” ҳисобланишади, шунингдек яқинда саудиялик инвесторлар томонидан сотиб олинган “Ньюкасл” ҳам қўшилди. Бироқ, футболчи “ёғли” шартномага эга бўлиши мумкин бўлган “қарғалар”  фойдасига танлов қилиши мумкин. Аслида, Премьер-лигада Марезни сотиб олмоқчи бўлган бошқа вариантлар ҳам йўқ. Биров, “Манчестер Сити” ўз футболчиси орқали чемпионатдаги янги рақобатчиси “Ньюкасл”ни кучайишидан хурсанд бўлмаса керак.

Натан Аке

“Челси” академиясининг тарбияланувчиси Натан Аке “Манчестер Сити”га 2020 йилнинг ёзида келиб қўшилган эди. Ўшанда “шаҳарликлар” унинг трансфери учун “Борнмут”га 41 миллион фунт тўлаган. Лекин, умуман “Этиҳад”да Аке барқарор ўйин амалиётига эга эмас, асосан захира ўриндиғида ўтиради. Охирги пайтларда Акенинг январь ойида “Манчестер Сити”ни тарк этиши мумкинлиги ҳақидаги миш-мишларни кучайиб бормоқда. Голландиялик футболчи 26 ёшда ва уни жамоада сақлаб қолишнинг ҳожати йўқ. Сабаби, Натан Ляпорт ва Диасга қарши рақобатда ғалаба қозонишга қодир эмас.

Шу сабабли, “Вест Хэм” ва “Ньюкасл”нинг қизиқишларидан “Манчестер Сити” Аке трансферига аввалги сармояларнинг максимал миқдорини қайтариш учун фойдаланиши мумкин. “Шаҳарликлар” футболчидан яхшигини фойда кўриши мумкин, чунки Натаннинг клуб билан шартномаси 2025 йилда тугайди.

Ферран Торрес

Сўнгги пайтларда ўтган ёзда “Валенсия”дан 28 миллион евро эвазига сотиб олинган 21 ёшли испаниялик вингер Ферран Торрес “Манчестер Сити”дан “Барселона”га ўтаётгани ҳақида кўп миш-мишлар тарқалди. Ҳозирда иқтидорли футболчи Гвардиола қўл остида етарли ўйин амалиётига эга бўлмаяпти, аммо кадрлар борасида инқирозга учраган “Барселона”да ўз ўрнини топиши мумкин.

Миш-мишларга кўра, “шаҳарликлар” январда 60 миллион евро эвазига Торрес билан хайрлашишга қарши эмас. Дастлаб “Барселона”нинг таклифи бу суммадан жуда кам эди, бироқ сўнгги пайтларда, матбуот хабарларига кўра, томонлар ўртасидаги музокаралар жараёни якунланиб қолган ва яқин кунларда бу амалга ошиши мумкин.

“Барселона” учун 21 ёшли Торресга харид қилиш “Сити”дан Стерлинг ёки Марезни сотиб олишдан кўра қизиқроқ кўринади, шунинг учун Ферран январь ойида Каталония клуби трансфер бозоридаги биринчи ўриндаги хариди бўлса ажабмас.

Александр Зинченко

Россиянинг “Уфа” клубида ўзини мукаммал кўрсатган ва “Манчестер Сити”дан таклиф олган украиналик футболчига сўнгги мавсумларда ҳимоянинг чап қаноти унчалик ишониб топширилмаяпти.

Гвардиола украиналик футболчини мақташда давом этаётганига қарамай, ҳимояда чап қанотда кўпинча ҳимоячи Жоау Канселу майдонга тушмоқда. Португалияликларнинг бундай юқори сифатли ўйини Зинченконинг жамоага йўлини деярли ёпди, чунки украиналик ўзининг майдон марказидаги ўз позициясида Гвардиола жамоасидаги ижрочилар билан умуман рақобатлаша олмайди. 

Бундай ҳолат Зинченко атрофида оммавий трансфер миш-мишларининг пайдо бўлишига олиб келса ажабмас. Хусусан, Италияда “Женоа”га янги тайинланган ва Украина терма жамоасининг собиқ бош мураббийи Андрей Шевченко ўз шогирдлари орасида Александрни кўрмоқчи экани ҳақида хабарлар тарқалди. Шунингдек, Англияда украиналикни ижарага олиш имкониятини кўриб чиқаётган “Ньюкасл”ни ҳам унутмаслик керак.