"ПСЖ" ярим ҳимоячиси Андер Эррера жамоадошлари — Лионель Месси ва Килиан Мбаппе ҳақида ўз фикрларини билдириб ўтди.
«Биз Мессини қўллаб-қувватлашимиз ва у ўзининг энг яхши ўйинини намойиш этиши учун қўлимиздан келганча ёрдам беришимиз керак. Масалан, «Манчестер Сити»га қарши уй учрашувида бўлгани каби. Мессига қулай шароит яратилса, у жамоага максимал фойда келтиради.
Мбаппе – жаҳон футболининг келажаги. Вақти келиб у энг яхши футболчига айланади. Ҳозир эса Лео — энг зўри. Мбаппе жуда камтар йигит ва Леодан ўрганишга ҳаракат қилмоқда», - деди Эррера.