Италиянинг "Интер" клуби ҳимоячиси Милан Шкриньяр ЕЧЛнинг 1/8 финалида "Ливерпуль" клубига қарши бўлиб ўтадиган учрашув ҳақидаги фикрлари билан ўртоқлашди.

– Ўтган йили ЕЧЛни тарк этганимизда ҳамма нарса ёмондек туюлганди. Лекин, якунда у бизга Италия чемпионатини ютишимизга ёрдам берди. Турнирни тарк этиш бизни бирлаштирди.

– Нима учун Сизга Еврокубоклар Италияга қараганда қийинчилик туғдирмоқда?

– А Серияда тактик ўйин намойиш этасан, ақл билан кўпроқ ҳаракат қиласан, ҳадеб олдинган-орқага бориб келавермайсан. Масалан Англияда фақат олдинга боришади.

«Реал»га қарши жуда яхши ўйнадик, лекин дарвозамизга 25 метрдан гол киритишди, биз бўлса фақат дарвозанинг тўсинини мўлжалга олавердик. Муайъян жамоалар билан ўйинда ўз имкониятларингдан фойдаланишинг шарт.

– "Ливерпул"га қарши бўладиган баҳсда "Интер"нинг имкониятлари қандай?

– Мен ўз жамоамга ишонаман. «Интер» «Ливерпул»га етарлича муаммолар туғдира олади, айниқса «Сан-Сиро»да. Гарчи январь-феврал ойларида тақвим зич бўлишига қарамай, "Ливерпуль" билан бўладиган ўйинга тайёр бўламиз", – деди Шкриньяр