"Аталанта" ва "Верона" ўйинчи алмашиши мумкин, деб хабар беради Tuttomercatoweb.
Манбага кўра, бергамоликлар клуби ёзда "Верона" жамоаси ярим ҳимоячиси Антонин Баракни сотиб олмоқчи, эвазига эса россиялик Алексей Миранчукни бермоқчи.
Олдинроқ Миранчукга "Женоа" ҳам қизиқиш билдираётгани хабар қилинганди.
Россиялик футболчининг “Аталанта” билан шартномаси 2024 йилнинг июнь ойи охиригача амал қилади ва яна бир мавсумга узайтирилиши мумкин. Трансфермаркт портали ярим ҳимоячини 13,5 миллион еврога баҳоламоқда.
Жорий мавсумда 26 ёшли Миранчук Италия клуби сафида барча турнирларда 12 та ўйин ўтказиб, 1 та гол ва 1 та голли узатмани амалга оширди.
