Енгил вазн тоифасида амалдаги UFC чемпиони, бразилиялик Чарлз Оливейра ўзининг Инстаграм саҳифасида янги пост жойлаштирди ва у ерда ҳамюрти, "ПСЖ" ҳужумчиси Неймар билан учрашуви ҳақида шарх қолдирди.
"Ҳаммаси учун раҳмат, дўстим. Худо сизни доимо асрайди. Келинг, чўққига чиқишда давом этайлик", деб ёзди Оливейра.
Оливейра россиялик Хабиб Нурмагомедов фаолиятини якунлаганидан сўнг UFC камарини америкалик Майкл Чандлерни мағлуб этиб, қўлга киритди.
Чарлз охирги жангини АҚШ вакили Дастин Порье билан ўтказди. Тўқнашув UFC 269 мусобақасида бўлиб ўтди ва Оливейранинг бўғиш орқали ғалабаси билан якунланди.
