"Барселона" ПСЖнинг франциялик ҳимоячиси Лайвин Курзавага қизиқиш билдирмоқда.
Каталониянинг El Nacional нашри хабарига кўра, Лайвин Курзава трансферини "Барселона" январдаёқ амалга ошириш ниятида. Франциялик ҳимоячи Лига 1 гиганти Париж Сен-Жермен томонидан 8 миллион еврога баҳоланган.
Лайвин Курзава 2015 йилнинг август ойида “Монако”дан ПСЖга ўтган ва шундан бери пойтахт жамоаси шарафини ҳимоя қилади. Бироқ, сўнгги йилларда 29 ёшли футболчи парижликларнинг заҳира ўйинчисига айланиб қолган.