«Челси» ҳужумчиси Ромелу Лукаку клубдаги ҳозирги вазият ҳақида ўз фикрлари билан ўртоқлашди.

«Мен «Челси»даги вазиятдан мамнун эмасман. Ўйлайманки, мураббий жамоа учун бошқача ўйин схемасини танлаган, шунчаки таслим бўлмаслик, ишлашда давом этишим ва профессионал бўлишим керак.

Мен бахтли эмасман, лекин мен меҳнаткашман ва таслим бўлмаслигим керак», — дейди Лукаку Sky Sport нашрига берган интервьюсида.

Маълумот учун, «Челси» 42 очко билан АПЛда иккинчи ўринда бормоқда. Февраль ойида жамоа Чемпионлар лигасининг 1/8 финалида «Лилль»га қарши ўйнайди.

2021/22 йилги мавсумда Лукаку клуб сафида барча турнирлар доирасида 18 та ўйин ўтказиб, 7 та гол урди ва 2 та голли узатмани амалга оширди.