Италиянинг «Торино» клуби ҳужумчиси Симоне Дзадза январь ойида жамоани тарк этиши мумкинлиги ҳақида журналист Николо Скира хабар тарқатмоқда.

Манбанинг ёзишига қараганда, футболчининг жамоадан кетиш эҳтимоли жуда юқори. Ҳужумчи А Сериянинг икки клубидан таклиф олган. Дзадза фаолиятини «Венеция» ёки «Болонья» клубларида давом эттириши мумкин.

Жорий мавсум италиялик ҳужумчи 8 та учрашувда майдонга тушди ва 189 дақиқа ҳаракат қилиб, битта ҳам гол киритмади.

У «Торино» таркибида жами 100 та ўйин ўтказиб, 20 та гол киритди ва 9 та голга ассистентлик қилди.

Унинг "Торино" билан амалдаги шартномаси 2023 йилнинг ёзигача мўлжалланган. Transfermarkt портали италиялик ҳужумчининг трансфер нархини 2 миллион евро атрофида баҳоламоқда.