"Бухоро" бош мураббийи Жамшид Саидов бугун бўлиб ўтадиган "Андижон"га қарши учрашув олдидан ўз фикpларини билдириб ўтди.

«Андижонликлар кучли жамоага эга. Улар дастлабки турда сафарда «Металлург» билан дуранг ўйнаб қайтишди. Лекин биз ҳам бу ўйинда бор кучимизни ишга соламиз».

«Андижон» кучсиз рақиб эмас. Бу клубнинг ўзига яраша устун томонлари бор. Масалан, таркибида тажрибали ўйинчилар етарли. Ўтган йили "Бухоро"да тўп сурган тажрибали ҳимоячи Тадас Гражюнас бу йил айнан «Андижон»да ўйнаяпти. Моҳир ҳужумчи Владимир Шишеловнинг келиши ҳам албатта жамоа ўйинини кучайтиради. Боз устига улар ўз майдонида ўйнашади. Табиийки, бу бизга жуда қийин бўлади. Лекин ҳаммасини вақт кўрсатади».

«Ўйиндан қандай натижа кутяпман? Олдиндан бир нарса дейишим қийин. Ҳаммасини ўйиндан сўнг билиб оламиз», дейди бухороликлар бош мураббийи "Андижон" мухлислар сайтига берган интервьюси чоғида.