Декабрь ойида қоидалардаги интизомларга риоя қилмаслик туфайли бош мураббий Микель Артета томонидан сардорлик боғичидан маҳрум қилинган “Арсенал” ҳужумчиси Пьер-Эмерик Обамеянг январда «канонирлар»ни тарк этиши мумкин, деб хабар бермоқда “Sky Sports” нашри.
“Арсенал” габонлик футболчисиз ўтказилган олти ўйиннинг бештасида ғалаба қозонган, биттасида дуранг қайд этган.
Туриннинг “Ювентус” клуби форварднинг қишки трансферига қизиқмоқда, у Альваро Мората кетган тақдирда унинг ўрнига Обамеянгни номзод сифатида кўрмоқда.
Обамеянг - ҳафтасига 415 минг евро маош олади ва у “Арсенал”нинг энг кўп маош олувчи футболчиси ҳисобланади. Шунингдек, футболчининг клуб билан шартномаси 2023 йилнинг ёзида якунига етади.
