“Бавария”да коронавирус билан касалланиш ҳолатлари қайд этишда давом этмоқда. Бугун Мюнхен клуби матбуот хизмати ҳимоячи Алфонсо Дэвисда COVID-19 аниқлангани ҳақида жамоатчиликни хабардор қилди. Канадалик футболчи изоляцияга олинган.
Айни пайтда немис ОАВлари “Бавария” коронавирус тарқалиши сабабли навбатдаги ўйинни бошқа муддатга қолдиришга ҳаракат қилмоқда. 7 январь, жума куни мюнхенликлар ўз майдонида Мёнхенгладбахнинг “Боруссия” жамоасини қабул қилади.
Биринчи даврадан сўнг “Бавария” ишончли тарзда Бундеслигадаги энг яқин таъқибчисидан 9 очко олдинда бормоқда.
