«Реал Мадрид» ҳужумчиси Винисиус Жуниор бугун асосий жамоа билан машғулотларга қайтди. Mundo Deportivo нашри хабарига кўра, бразилиялик футболчи «Валенсия»га қарши навбатдаги ўйинда майдонга тушиши мумкин.
Эслатиб ўтамиз, Винисиус коронавирус инфекцияси туфайли 2022 йил бошида «Реал»нинг иккита ўйинини ўтказиб юборган эди.
Умуман олганда, Винисиус Жуниор 2021/2022 йилги мавсумда 25 та ўйин ўтказди. Уларда бразилиялик ҳужумчи 12 та гол ва 9 та голли узатмани ҳамкорларига тақдим этди.
Испания чемпионати доирасидаги «Реал» – «Валенсия» учрашуви 8 январь шанба куни бўлиб ўтади.
