Баҳрайн пойтахти Манама шаҳрида ўқув-машғулот йиғини олиб бораётган Ўзбекистон аёллар футзал терма жамоаси мезбонларга қарши иккинчи ўртоқлик ўйинида ҳам зафар қучди.
Манамадаги «Elite Grand» меҳмонхонасига етиб келинган куннинг эртасигаёқ биринчи ўйинда майдонга тушган Аваз Маҳсумов шогирдлари қийинчилик билан зафар қучишганди - 3:2. Бунга эса йўл чарчоқлари тўла чиқиб улгурмаганини сабаб қилиб кўрсатиш мумкин. Бу сафар ҳам Баҳрайн аёллар футзал терма жамоаси Ўзбекистон дарвозасини икки бор ишғол қилишга муваффақ бўлди. Лекин ўз дарвозасидан 5та гол ўтказиб юборди. Ўтган беллашувда ҳам ўз ҳисобига гол ёзиб қўйган футболчи қизлардан Маҳфуза Туропова ва Зебо Жўрава, бу сафар ҳам зални голсиз тарк этишмади. Шунингдек Ойгул Якубова ўз номини таблога бир марта муҳрлаган бўлса, Камола Усмонова дубл қайд этди.
2013 йил Жанубий Корея мезбонлик қиладиган усти ёпиқ иншоотлардаги IV Осиё ўйинларида Ўзбекистон шарафини ҳимоя қиладиган Аваз Маҳсумов шогирдлари қуйидаги таркиб билан Манамага йўл олишган.
