"Ливерпуль" "Нант" ҳужумчиси Рандаль Коло Муани учун "Айнтрахт" ва "Милан"га рақиб бўлишга тайёр.
SportBild хабарига кўра, "Ливерпуль" Рандал Коло Муанини сотиб олиш учун курашга киришган. "Нант" ҳужумчисига Юрген Клоппнинг шахсан ўзи жиддий қизиқиш билдирмоқда. Чунки у январь ойида давом этаётган трансфер ойнасида янги ҳужумчи билан шартнома имзолаш ниятида. Коло Муанининг Франция клубидаги амалдаги шартномаси мавсум охирида тугайди.
Форвардни "Ливерпуль" билан бирга "Милан" ва Франкфуртнинг "Айнтрахт" клублари ҳам кўзламоқда. Немис клуби "Нант" юлдузи учун идеал манзил сифатида тавсия этилган, аммо "бургутлар" футболчининг молиявий талабларини қондира олишмаяпти. Қолаверса, Коло Муанининг оиласи ҳужумчи "Ливерпуль" ёки "Милан"га ўтишини истамоқда.
