Ҳужумчи Криштиану Роналду "Манчестер Юнайтед"ни тарк этиши мумкин, деб хабар бермоқда "Daily Mail".

Юқоридаги манба берган хабарга кўра, Роналду жамоанинг кейинги бош мураббийдан қониқмаса, мавсум охирида "қизил иблислар"ни тарк этиш ҳақида ўйламоқда. Шунингдек, ҳужумчи Рангникнинг клуб бош мураббийлигида қолишига қарши эканлиги қайд этилган.

Эслатиб ўтамиз, "Манчестер Юнайтед" ноябрь ойида Рангникни вақтинчалик бош мураббий этиб тайинлаган эди. У мавсумнинг қолган қисмида жамоани бошқаради.

Роналду жорий Англия Премьер-лигасида 16 та ўйин ўтказиб, 8 та гол урди ва 3 та голли узатмани амалга оширди. Шунингдек, у УЕФА Чемпионлар Лигаси гуруҳ босқичининг 5 та учрашувида 6 та гол урди.