«Милан» бош мураббийи Стефано Пиоли Италия чемпионатининг 20-туридан ўрин олган «Рома»га қарши ўйин (3:1) борасида ўз фикрини билдириб ўтди.

«Бугун яхши ўйнашимизга ишончим комил эди. Жамоага бу танаффус зарур эди. Ғалаба — яхши белги. Биз мавсумнинг иккинчи қисмида мана шундай ўйин ва натижага умид қилишимиз керак.

Бу йигитлар билан ишлаш завқли. Улар ҳамиша меҳнат қилиш ва ўсишга эришишга тайёр. Бугун учрашувдан қониқиш ҳосил қилдим, аммо бўшашиш мумкин эмас. Чунки икки кундан кейин бизни яна бир муҳим ўйин («Венеция»га қарши) кутиб турибди. Якшанба куни яна бир марта ушбу натижани такрорласак, бугунги ғалаба қадрли бўлади.

Мақсадимиз — ўтган мавсумга нисбатан кўпроқ очко жамғариш. Мавсумнинг бошланғич қисми яхши бўлди. Энди шундай руҳда ишлашда давом этиш ва кейинги ўйинга тайёргарлик кўриш», – деди Пиоли.