“Ливерпуль” расмий сайти асосий жамоанинг машғулотлар маркази қайта ишлагани ҳақида хабар берди. Коронавирус инфекциялари кўпайиши сабабли муассасалар икки кун олдин ёпилган эди.
Эслатиб ўтамиз, “Ливерпуль” 6 январь куни бўлиб ўтадиган Англия Лига кубоги доирасидаги “Арсенал”га қарши сафар ўйинини COVID-19 эпидемияси туфайли ўтказа олмади. “Эмирейтс”даги учрашув 20 январга кўчирилди.
Маълумот ўрнида, “Ливерпуль” 9 январь, якшанба куни навбатдаги ўйинини ўтказиши керак. Англия кубогининг 3-босқичида Юрген Клопп шогирдлари “Энфилд”да “Шрусбери Таун”га қарши баҳс олиб боради.
