«Фиорентина» матбуот хизмати Тwиттерда «Герта» ва Полша терма жамоаси ҳужумчиси Кшиштоф Пентекнинг Флоренция аэропортида тушган суратини жойлаштирди.
«Пентек шу ерда», деб ёзади нашр.
Олдинроқ италиялик журналист Жанлука Ди Марсио 26 ёшли полшалик «Герта»дан «Фиорентина»га ўтиши ҳақида хабар берган эди. Унга кўра, Флоренция клуби ҳужумчини 15 миллион евро эвазига сотиб олиш опцияси билан текин ижарага олади.
Жорий мавсумда ҳужумчи «Герта» таркибида ўнта ўйинда майдонга тушиб, битта гол урди ва битта голли узатмани амалга оширди.
