«Реал Мадрид» ярим ҳимоячиси Гарет Бэйл агар Уэлс 2022 йилги Жаҳон чемпионатига чиқса, Премьер-лига ёки чемпионшип клуби билан қисқа муддатли шартнома имзолаши мумкин, дея хабар беради Sky Sports.
Манбага кўра, 32 ёшли уэлслик футболчи «Кардифф» ёки «Суонси»га ўтишни ўйламоқда.
Аввалроқ, агар Уэлс терма жамоаси жаҳон чемпионатига чиқа олмаса, ярим ҳимоячи фаолиятини якунлаши мумкинлиги ҳақида хабар берилганди.
Эслатиб ўтамиз, Уэлс терма жамоасининг ЖЧ-2022 плей-офф ўйинларининг ярим финалидаги рақиби Австрия терма жамоаси бўлади.
Бэйл жорий мавсумда «Реал» сафида 3 та ўйин ўтказди ва битта гол урди. Унинг Мадрид клуби билан шартномаси 2022 йилнинг 30 июнида якунига этади.
