Мадриднинг «Атлетико» клуби «Ньюкасл»га кўчиб ўтган ҳимоячи Киран Триппьерга ўринбосар қидиришни бошлади. Инсайдер Николо Шкиранинг сўзларига кўра, «матрасчилар» Англия чемпионатида муқобил вариант топишган.
Испаниянинг топ-клубининг қизиқиш доираси Лондоннинг «Арсенал» футболчиси Седрик Соареш тушиб қолган. Мадридликлар «канонирлар» билан 30 ёшли португалияликнинг жорий трансфер ойнасига ўтишини муҳокама қилишга тайёр. Футболчининг нархи беш миллион еврога баҳоланмоқда.
Соареш жорий мавсумда тўртта ўйин ўтказди ва битта сариқ карточка олди. Унинг шартномаси 2024 йилгача амал қилади.
